2026 05 16 關於那隻龜回魂的故事

今日行程都係以relax為主
本來今早去游水
但噚晚真係瞓得太差
今朝起身真係好攰
所以放棄咗
朝早食咗早餐之後就執返好啲衫呀櫃桶呀
然後又我手寫我心咁記低好多混亂嘅思緒 💭
跟住就出去搵某豬了
食咗個bowl同toast仲有個薑黃latte

然後去咗睇 關於那隻龜回魂的故事




有好好笑嘅地方
亦有啲位令我好感動
有個位令我反思咗一下
講到呀媽話最錫個大女
因為佢最乖
我係度諗 其實我都做咗乖乖女好多年？ ：D
係其他人眼中或者細細個叫做品學兼優
大個咗咪正正常常咁樣有份工返
過住一個普通人嘅生活
叫做係個「正常人生活」嘅道路上自動駕駛中？
但係呢排真係思考咗人生好耐
呢啲所謂係其他人眼中嘅「好」
又係咪真係自己想行／該行嘅路？
淨係知道呢排嘅自己好明確咁答「唔係」

雖然未來係要點行係未有一個好明確嘅目標
但係我相信我會搵到

由於唔太餓
去咗試呢個 雞記飯店
啲嘢食都有啲特色

好啦 :D